ჯაბა იოსელიანის თანამებრძოლი და გაგრის ყოფილი კომენდანტი ბადრი ფირცხელიანი, ფეისბუქში ემოციურ პოსტს აქვეყნებს, რომელსაც “ექსკლუზივ ნიუსი” უცვლელად გთავაზობთ.
“კიდევ ერთ დაბადების დღეს ავღნიშნავთ უშენოდ, ჩემო მეგობარო!!! შენ იყავი გმირობის, ვაჟკაცობის, თავგანწირვის ეტალონი. შენ იყავი თითოეული ჩვენთაგანისთვის მისაბაძი. მე ამაყი ვარ შენთან მეგობრობით და ურთიერთობით. სამწუხაროდ, ბევრი ახლოს არ გიცნობდა და არ იცნობდნენ შენს ლაღ, თავისუფალ ბუნებას. გავა დრო და აშკარად უფრო მეტი დამფასებელი გეყოლება შენ და შენს შემოქმედებასაც. მე მინდა ერთი შენი დაბადების დღე გავიხსენო, 1993 წლის 10 ივლისი. ეს იყო დღე, როდესაც ქართველებმა ტამიშთან დავამარცხეთ რუსეთის დესანტი და ეს გამარჯვება მაშინ მოგიძღვენით შენ. მე მართლა ამაყი ვიყავი იმ დროს, რამეთუ ყველა შენაერთი ერთად ვიბრძოდით ჩვენი საყვარელი სამშობლოსთვის. კიდევ ერთხელ გილოცავ ჩემო ძმაო. უფალმა გაანათლოს შენი სული!!!”,-წერს ბადრი ფირცხელიანი.