გიორგი მარგველაშვილის გადაწყვეტილებას, საპრეზიდენტო არჩევნებში მონაწილეობასთან დაკავშირებით, საპარლამენტო უმრავლესობის ერთ–ერთი ლიდერი ზვიად ძიძიგური გამოეხმაურა.
როგორც ზვიად ძიძიგურმა განაცხადა, გიორგი მარგველაშვილი გადაწყვეტილება მოულოდნელი არ ყოფილა.
„რამე მოულოდნელი ჩემთვის ამ გადაწყვეტილებაში არ არის. ვფიქრობდი და ალბათ თავად პრეზიდენტიც ასე ფიქრობს, რომ რამე მნიშვნელოვან ელექტორალურ შედეგს ამ არჩევნებში ვერ მიაღწევდა. ამიტომ ვფიქრობ, მისი გადაწყვეტილება პოლიტიკური თვალსაზრისით ადეკვატურია. მარგველაშვილის საპრეზიდენტო ვადის განმავლობაში მისი ასეთი ადეკვატური გადაწყვეტილებებით განებივრებული არ ვყოფილვართ”, – განაცხადა ზვიად ძიძიგურმა.
კომენტარები