„ლეიბორისტული პარტიის“ ლიდერის შალვა ნათელაშვილის განცხადებით, ის სოლიდარობას უცხადებს შვილმოკლულ მამებს და მხარს უჭერს მათ.
„ჩვენი პარტია და პირადად მე, რა თქმა უნდა, სოლიდარობას ვუცხადებთ შვილმოკლულ მამებს და ყველანაირად დავუჭერთ მხარს მათ ბრძოლას სიმართლის დადგენისთვის, დამნაშავეთა გამოაშკარავებისა და იმ თანამდებობის პირთა პასუხისმგებლობის საკითხთა გადასაწყვეტად, ვინც დაუშვა დანაშაულებრივი დაუდევრობა საქმის გამოძიებისა და ეფექტურად გახსნის პროცესში. მაგრამ კონკრეტულად აი ამ სიტუაციაში აქციაში და სხვადასხვა ნიუანსებში რაც დღეს ვითარდება, ჩვენ ჩართული არ ვართ. ამას თვითონ შვილმოკლული მამები და მათი საინიციატივო მხარდამჭერი ჯგუფები აგვარებენ. სოლიდარულები ვართ, რა თქმა უნდა, მაგრამ ეს, ასე ვთქვათ, არაპოლიტიკური საკითხია, რაც მამებმა არაერთხელ განაცხადეს. წმინდა ადამიანური საკითხია. როგორც ადამიანები ისე უნდა დავუდგეთ ერთმანეთს გვერდში. ამის გამიტინგება და გაპოლიტიკურება არ იქნება სწორი”, – განაცხადა ნათელაშვილმა.