ახსრების ტკივილი დამეწყო და საცხოვრებლად აღმოსავლეთში მივდივარ – ეს განცხადება, ზუგდიდის ვიცე მერმა გია გულორდავამ გააკეთა. გულორდავამ თანამდებობიდან გადადგომის მიზეზად ჯანმრთელობის მდგომარეობის გაუარესება დაასახელა.
ზუგდიდს ვიცე მერის კომენტარს გამოცემა stv.ge ავრცელებს.
“მე მართლაც დავწერე განცხადება გადადგომის შესახებ და შეგიძლიათ ამის შესახებ მერიის პრესცენტრს მიმართოთ, თუმცა გეტყვით, სახსრების ტკივილი დამეწყო ამ ნესტიან ჰაერში და გადავწყვიტე საცხოვრებლად აღმოსავლეთ საქართველოში წავიდე”,-აცხადებს გია გულორდავა.
კითხვაზე იცნობს თუ არა ბიზნესმენ ზურაბ კვირტიას და სმენია თუ არა მასთან დაკავშირებულ ფარულ ჩანაწერებზე, გია გულორდავამ განაცხადა:
“ძალიან გთხოვთ ასეთ კითხვებს ნუ მისვამთ. არ მსმენია და არც ვიცი რა ჩანაწერებზეა საუბარი, თუმცა გიდასტურებთ, რომ ბიზნესმენ ზურაბ კვირტიას ახლოს ვიცნობ და მქონდა მასთან ურთიერთობა”-აცხადებს გია გულორდავა.
თანამდებობის პირთა გადადგომა სავარაუდოდ სკანდალურმა აუდიო-ჩანაწერს უკავშირდება სადაც კორუფციულ გარიგებებზეა საუბარი. აუდიო ჩანაწერი რუსეთში მოღვაწე ბიზნესმენმა, ზურაბ კვირტიამ გააკეთა.
შეგახსენებთ, რომ სკანდალური სატელეფონო ჩანაწერი სამაუწყებლო კომპანია “რუსთავი2”-მა გაავრცელა.
ფარული ჩანაწერში ბიზნესმენი ზურაბ კვირტია მერს კორუფციაში ამხელს და მისთვის გადახდილი თანხის უკან დაბრუნებას ითხოვს. ჩანაწერში ისმის თავად გოგიას საუბარიც, რომელიც თანხის აღებას არ უარყოფს. ისმის ასევე სხვა მაღალჩინოსნების გვარებიც, რომლებიც ასევე ფიგურირებდნენ ამ კორუფციულ სქემაში. მათ შორის არის ზუგდიდის მერის პირველი მოადგილეც.
ჩინოვნიკებს თანხა ბიზნესმენმა კონკრეტული ობიექტების ხელში ჩაგდების სურვილით გადაიხადა, თუმცა, ჩანაწერებით ირკვევა, რომ თანამდებობის პირებმა დანაპირები ვერ შეასრულეს, რამაც ბიზნესმენის უკმაყოფილება გამოიწვია.
ლაშა გოგია რამდენიმე დღის წინ სუს-ში გამოკითხვაზე კიდევ ერთ საქმეზე იმყოფებოდა. საუბარია ზუგდიდის ბოტანიკური ბაღების მართვის ცენტრის საქმიანობის შესახებ დაწყებულ გამოძიებაზე.
სახელმწიფო უსაფრთხოების სამსახურმა გამოძიება ქრთამის აღების ფაქტზე დაიწყო