პარლამენტის პლენარულ სხდომაზე ვითარება დაიძაბა. დეპუტატებს შორის ჩხუბი ზაზა პაპუშვილის განცხადებამ და უმცირესობის მიმართ რეპლიკებმა გამოიწვია.
პაპუაშვილმა განაცხადა, რომ საგამოძიებო კომისიის მიერ მომზადებული დასკვნა იყო უგვანო და უშინაარსო. ამასთან, მან უმცირესობის დეპუტატებს უზრდელი უწოდა.
კერძოდ, ზაზა პაპუაშვილი დაინტერესდა, კომისიამ რა ახალი გარემოება გამოავლინა და რა შესძინეს საქმეს სამ თვის განმავლობაში.
„ვერაფერი. ნუ ყაყანებთ. ტაში ერთმანეთს დაუკარით. რამდენჯერ უნდა გითხრათ, რომ ხართ უტიფრები, ცინიკოსები, უზრდელები და კიდევ მეტი… ხელი აუქნიე ბებიაშენს, ბიჭო შე იდიოტო“, – ასე მიმართა ზაზა პაპუაშვილმა უმცირესობის წევრებს, მათ შორის გიგა ბოკერიას.
ამის შემდეგ პარლამენტში ზაზა პაპუაშვილს, ელენე ხოშტარიასა და გიგა ბოკერიას შორის სიტყვიერი დაპირისპირება დაიწყო, რაშიც სხვა დეპუტატები ჩაერთნენ.