„მან ბოლო პერიოდში არაერთი განცხადება გააკეთა, რომელიც თანხმობაში არ მოდის კი არა, რადიკალურად განსხვავებულია იმ კურსისგან და ხედვებისგან, რომელსაც „ნაციონალური მოძრაობა“ ხელისუფლებაში ყოფნის დროს ატარებდა.“- ასე გამოეხმაურია „გირჩის“ ლიდერი ზურაბ ჯაფარიძე სააკაშვილის წინასაარჩევნო განცხადებებს, რომელიც უკვე შოკში არა მხოლოდ იმათ აგდებს, ვინც ადრე სააკაშვილის გუნდს წარმოადგენა, არამედ, იმათაც, ვისთვისაც მიშა ყოველთვის მიუღებელი იყო.
„ახლა ის ბანკების მიმართ მარქსისტული კრიტიკით გამოვიდა. ჩვენ თვალს ვადევნებთ მისი მხრიდან ქსენოფობიურ და ჰომოფობიურ განცხადებებს.“ – აცხადებს ზურაბ ჯაფარიძე.
ექსპრეზიდენტის მასზე თავდასხმასაც ჯაფარიძე ნარკოპოლიტიკას უკავშირებს:
„ახლა უკვე ჩათვალა, რომ ნარკოპოლიტიკაზე გადავიდეს და რაღაცნაირად ააგდოს მოსახლეობის ის ნაწილი, რომელსაც აზროვნების უნარი აქვს დაკარგული… მათ შორის, ფიქრობს, რომ შანსი აქვს, ჩაეხუტოს და დაუახლოვდეს საპატრიარქოს… ამისთვის ის ყველაფერს აკეთებს – ტრუსიკიდან არის ამომხტარი როგორც თვითონ, ისე მისი საპრეზიდენტო კანდიდატი. უკვე ათას სისულელეს ამბობენ.“
რამდენიმე დღის წინ მიხეილ სააკაშვილმა ჟურნალისტ ვახო ხუზმიაშვილთან სატელევიზიო ინტერვიუს დროს, ზურაბ ჯაფარიძე გაიხსენა და თქვა:
„ზურა ჯაფარიძე, რომელსაც თავის დროზე ფული მისცა [ბიძინა ივანიშვილმა], რომ ენმ-დან წასულიყო და მერე დადგეს ეს ყალბი ამბავი ბასიანის, რომ ვითომ ზურა ჯაფარიძე წავიდა, თავის ფეხით საკონსტიტუციოში და მოიგო რაღაც საქმე – ეს ყველაფერი არის ბლეფი“.
„გირჩის“ ლიდერის ინტერვიუს ვრცლად გაზეთ „პრაიმტაიმში“ გაეცანით.