ქართული მხარე გაეროს გენერალური ასამბლეის 73-ე სესიას უერთდება. მთავარ გამოსვლამდე, მამუკა ბახტაძე ნელსონ მანდელას მშვიდობის სამიტის მონაწილეებს მიმართვას.
მთავრობის მეთაურს დღესვე დანიშნული აქვს უმაღლესი დონის შეხვედრები.
19 სექტემბერს ნიუ-იორკში გაეროს გენერალური ასამბლეის 73-ე სესია გაიხსნა. სულ სესიის მონაწილეებმა 27 სექტემბრამდე 175 საკითხი უნდა განიხილონ.
სესიაზე იგეგმება პოლიტიკური ლიდერების სიტყვით გამოსვლები, მათ შორის იქნება საქართველოს პრემიერმინისტრი მამუკა ბახტაძე, რომელიც 27 სექტემბერს გაეროს გენერალური ასამბლეის 73-ე სესიის გენერალური დებატების მონაწილეებს ქართულ ენაზე მიმართავს.
მამუკა ბახტაძე ასევე მიწვეულია აშშ-ის პრეზიდენტ დონალდ ტრამპისა და მისი მეუღლის სახელით ორგანიზებულ მიღებაზე, რომელიც გაეროს გენერალური ასამბლეის 73-ე სესიის მონაწილე სახელმწიფოებისა და მთავრობის მეთაურების პატივსაცემად იმართება.
პრემიერი აშშ-ში სამუშაო ვიზიტით 16 სექტემბრიდან იმყოფება.