პროცესი შეჩერდა. ჩვენ არ ვაპირებთ ამ პროცესის თავიდან დაწყებას ან გაგრძელებას, – ეს განცხადება საქართველოს პარლამენტის იურიდიულ საკითხთა კომიტეტის თავმჯდომარე ეკა ბესელიამ მარიხუანას კულტივაციასთან დაკავშირებულ კანონპროექტზე საუბრისას გააკეთა.
უმრავლესობის დეპუტატმა ტელეკომპანია “რუსთავი 2”- ის ჟურნალისტს მიმართა, რომ მათი მედიასაშუალების მხრიდან საკითხის ხელახლა გააქტიურება მისაღები არ არის.
“გაჩერებულია ეს პროცესი. მგონია, რომ ამ თემის გააქტიურების ხელახალი მცდელობა თქვენი მედიასაშუალების მხრიდან არ იქნება რელევანტური და სწორი. ეს პროცესი შეჩერდა. ჩვენ არ ვაპირებთ ამ პროცესის დაწყებას ან გაგრძელებას. არ ვაპირებთ ამ პროცესის გააქტიურებას და განხილვები არ არის დაგეგმილი ამ პროექტთან დაკავშირებით”, – განაცხადა ბესელიამ.
კომენტარები