“დარწმუნებული ვარ, სალომე ზურაბიშვილი იქნება ერთ-ერთი ყველაზე საუკეთესო პრეზიდენტი”

რეგიონული განვითარებისა და ინფრასტრუქტურის მინისტრი მაია ცქიტიშვილი დარწმუნებულია, რომ გამარჯვების შემთხვევაში სალომე ზურაბიშვილი საუკეთესო პრეზიდენტი იქნება. ამის შესახებ მან ბათუმში ამომრჩეველთან შეხვედრაზე განაცხადა.
„მე ვარ დარწმუნებული, რომ სალომე ზურაბიშვილი იქნება ერთ-ერთი ყველაზე საუკეთესო პრეზიდენტი, რომელიც ჩვენს ქვეყანას ჰყოლია. დარწმუნებული ვარ იმაში, რომ მთელი ის გამოცდილება, ცოდნა და სულისკვეთება, ის ღირებულებები, რომელიც მის წინაპრებს, ჩვენს წინაპრებს ჰქონდა ეს ღირებულებები იქნება ქვეყნის სამსახურში გამოყენებული. ვარ დარწმუნებული იმაში, რომ სალომე ზურაბიშვილი თავისი პირადი თვისებებითაც არის გამორჩეული, ცალსახად გამორჩეულია თავისი განათლებით, განვლილი გზით და დარწმუნებული ვარ იმაში, რომ აჭარა და მთელი საქართველო ნამდვილად სწორ გადაწყვეტილებას მიიღებს. ვუსურვებ სალომეს ზურაბიშვილს დიდ გამარჯვებას, ეჭვი არ მეპარება მის წარმატებაში, „ქართულმა ოცნებამ“ მიიღო გადაწყვეტილება, რომ მხარი დაუჭიროს ქალბატონ სალომეს მის საპრეზიდენტო კამპანიაში, შესაბამისად, ჩვენ გვგონია, რომ ერთობლივი ძალისხმევით, ყველა ინსტიტუტი, მთავრობა, პრეზიდენტი, პარლამენტი ჩვენს მოქალაქეებთან ერთად შევძლებთ უკეთესი ქვეყანა ავაშენოთ“, – განაცხადა მაია ცქიტიშვილმა ბათუმში ამომრჩეველთან შეხვედრაზე.