საქართველოს პრეზიდენტობის კანდიდატი სალომე ზურაბიშვილი აჭარის რეგიონში შეხვედრებს განაგრძობს. დღეს ის ბათუმის მოსახლეობას შეხვდა.
შეხვედრისას პრეზიდენტობის დამოუკიდებელმა კანდიდატმა ქვეყნისთვის ბათუმის როლსა და მნიშვნელობაზე ისაუბრა.
„ამ უძველეს ქალაქს, ტურიზმის გარდა, სხვა დატვირთვაც უნდა ჰქონდეს. შავი ზღვა არის სტრატეგიულად ძალიან მნიშვნელოვანი ევროპის, ევროკავშირისა და ნატო-სთვის. ყველა ახალი მიმართულება შავ ზღვაზე გადის. იგი ასევე ძალიან მნიშვნელოვანია ენერგეტიკისთვისაც. დღეს, ჩინეთი ფაქტიურად აწარმოებს ყველაფერს, რაც მსოფლიოში იყიდება და შესაბამისად, გზა, როგორც ნიკო ნიკოლაძე ამბობდა თავის დროზე – ბერლინი-ფოთი-ჩინეთი, ძალიან გააქტიურებულია. ამდენად, ბათუმი უნდა გახდეს შავი ზღვის დედაქალაქი, მას ეს ფუნქცია უნდა დავუბრუნოთ“,- განაცხადა სალომე ზურაბიშვილმა.
ინფორმაციას სალომე ზურაბიშვილის პრესსამსახური ავრცელებს.