პრეზიდენტობის დამოუკიდებელი კანდიდატი სალომე ზურაბიშვილი აცხადებს, რომ მის წინააღმდეგ სხვადასხვა პოლიტიკური ძალები პროვოკაციებს მიმართავენ.
„რა შეფასება უნდა მიეცეს, თავისუფალ, დემოკრატიულ ქვეყანაში როცა, საარჩევნო კამპანიას არ ატარებინებენ ერთ-ერთ კანდიდატს ხან პროვოკაციებით, ხან ლანძღვა-გინებით. ამას შეფასება მე კი არ უდა მივცე, ამას შეფასებას მისცემს ამომრჩეველი 28 ოქტომბერს, როცა ხმას მისცემს 48 ნომერს“, – ეს განცხადება გააკეთა სალომე ზურაბიშვილმა ქობულეთში ამომრჩეველთან შეხვედრის შემდეგ, სადაც „ნაციონალური მოძრაობის“ წევრები აქციას მართავდნენ.
პრეზიდენტობის დამოუკიდებელი კანდიდატი სალომე ზურაბიშვილი წინასაარჩევნო კამპანიის ფარგლებში მოსახლეობას დღეს აჭარის რეგიონში შეხვდა.
კომენტარები