კობახიძე გოცირიძეს – გაკოტრებული პარტია ექვსი კაცით ზის კანტიკუნტად პარლამენტში. კანტი თქვენ ხართ და კუნტი გყავთ კიდევ ხუთი კაცი

გაკოტრებული პარტია ექვსი კაცით ზის კანტიკუნტად საქართველოს პარლამენტში. კანტი თქვენ ხართ და კუნტი გყავთ კიდევ ხუთი კაცი, – ამ სიტყვებით საქართველოს პარლამენტის თავმჯდომარემ, ირაკლი კობახიძემ “ნაციონალური მოძრაობის“ დეპუტატს, რომან გოცირიძეს მას შემდეგ მიმართა, რაც გოცირიძემ სალომე ზურაბიშვილს “გაკოტრებული კანდიდატი” უწოდა.
მანამდე რომან გოცირიძემ აღნიშნა, რომ „ქართულმა ოცნებამ“ არჩევნებში რეალურად 20-ჯერ მეტი თანხა დახარჯა, ვიდრე აუდიტის სამსახურის ანგარიშშია აღნიშნული.
„სათითაოდ გეტყვით, რამდენი აგიტატორი, ზონის უფროსი, უბნის უფროსი გყავდათ და რამდენ ხელფასს იღებდა რამდენი თვის განმავლობაში თითოეული მათგანი. დეკლარირებული გაქვთ 300 ათასი 2017 წელს. ეს არის თქვენი მოგონილი. ფარული ჩანაწერებიც თქვენი სტილია”, – მიმართა კობახიძემ რომან გოცირიძეს ბიუროს სხდომაზე.