პარტია „ქართული ოცნების“ გენერალური მდივნის, თბილისის მერის, კახა კალაძის განცხადებით, საარჩევნო კამპანია მშვიდობიან ვითარებაში წარიმართებოდა, რომ არა „ნაციონალური მოძრაობა“.
„თქვენ ხედავთ ბოლო დროს განვითარებულ მოვლენებს. ისინი ყოველდღიურ რეჟიმში ცდილობენ შეუშალონ ხელი კონკრეტულ კანდიდატებს. ჩვენ ამასთან დაკავშირებით დღეს განცხადებაც გავავრცელეთ, გვქონდა ინფორმაცია, რომ ისინი ცდილობენ ჩაშალონ შეხვედრები, შეურაცხყოფა მიაყენონ პრეზიდენტობის კანდიდატს, ეს არის ჩვეულებრივ მათი სტილი. ისინი ჩარჩენილები არიან წარსულში, რასაც აკეთებდნენ 2012 წელს და 2012 წლამდე, იგივე მეთოდებით, სიცრუით, შანტაჟით, შავი პიარით, აგრძელებენ ჩვეულ რეჟიმში, როგორც მათ სჩვევიათ. ჩვენ, საზოგადოებამ ყველაფერი უნდა გავაკეთოთ, რომ ისინი ჩავტოვოთ ამ წარსულში და ჩავტოვოთ იქ, სადაც არიან, როცა 2012 წელს მოსახლეობამ გაისტუმრა ნაგავსაყრელზე”, – განაცხადა კახა კალაძემ.