“არავინ ისე არ აფასებს მშვიდობას, როგორც ის, ვინც მისი ნაკლებობა საკუთარ თავზე განიცადა”, – ამის შესახებ საქართველოს პრემიერმინისტრმა მამუკა ბახტაძემ ნელსონ მანდელას მშვიდობის სამიტზე სიტყვით გამოსვლისას განაცხადა. სამიტი ნიუ-იორკში გაეროს გენერალური ასამბლეის 73-ე სესიის ფარგლებში გაიმართა.
პრემიერმა ყურადღება გაამახვილა საქართველოს ოკუპირებულ ტერიტორიებზე არსებულ მდგომარეობასა და მთავრობის სამშვიდობო ინიციატივაზე, აღნიშნა, რომ არსებული გამოწვევების მიუხედავად, რუსეთის აგრესიას საქართველო კონსტრუქციული ჩართულობითა და მშვიდობიანი გადაწყვეტისკენ მიმართული მოლაპარაკებებით პასუხობს.
მამუკა ბახტაძე ასევე შეხვდა გაეროს გენერალურ მდივანს შეხვდა. მთავრობის ადმინისტრაციის ცნობით, შეხვედრა გაეროს შტაბბინაში გაიმართა.
მამუკა ბახტაძემ და ანტონიო გუტერეშმა გაერთიანებული ერების ორგანიზაციის როლზე კონფლიქტების მშვიდობიანი დარეგულირების პროცესში, საქართველოს მთავრობის სამშვიდობო ინიციატივასა და ოკუპირებულ ტერიტორიებზე არსებულ ვითარებაზე ისაუბრეს.
მხარეებმა ყურადღება გამახვილეს ოკუპირებულ ტერიტორიებზე შექმნილ რთულ ჰუმანიტარულ მდგომარეობაზე და საერთაშორისო სამშვიდობო მექანიზმების გააქტიურების მნიშვნელობაზე.