“თი-ბი-სი” ბანკის სამეთვალყურეო საბჭოს თავმჯდომარე მამუკა ხაზარაძე ზაზა ოქუაშვილის განცხადებას გამოეხმაურა.
მისი თქმით, ბანკი უკვე 10 წელია 8 საათამდე მუშაობს და ყველა პროცედურის ნახვაა შესაძლებელი. როგორც მან განმარტა, თუკი რომელიმე კომპანიის დირექტორს ბანკიდან თანხის გატანა სურს, ბანკი ვალდებულია, აღნიშნული ოპერაცია შეასრულოს.
„ზოგადად საზოგადოების პრობლემა არის ტყუილი და ტყუილის ტირაჟირება. მე მოვუწოდებ ყველას, რომ იყვნენ გულწრფელები და თავისი პრობლემები არ გადაიტანონ სხვაზე. ჩვენი ბანკი მუშაობს 8 საათამდე, უკვე 10 წელია, ამიტომ შეგიძლიათ დეტალურად ნახოთ ყველა პროცედურა. ბანკი არის სერვისის კომპანია და თუ თქვენ ხსნით კომპანიას, თუნდაც 20 წუთით ადრე და თქვენ გაქვთ ფული, თქვენი დირექტორი კი აკეთებს მოთხოვნას, ბანკი ვალდებულია, რომ გაატანოს თანხა. ყველაფერია ბანკში წარმოდგენილი… შევეშვათ ყველა ცილისწამებას. კომპანიის რეგისტრაციის თარიღს მნიშვნელობა არ აქვს“, – განაცხადა მამუკა ხაზარაძემ.
მამუკა ხაზარაძის პირველი კომენტარი
2018/10/02 12:08:31
კომენტარები
ნანახია: 1174 ჯერ