არჩილ თალაკვაძე – ერთი შეკითხვა მექნება ბატონ გოკასთან…

საპარალამენტო უმრავლესობის ლიდერი არჩილ თალაკვაძე აცხადებს, რომ „ნაციონალური მოძრაობა” და „ევროპული საქართველო” მმართველი გუნდის მიმართ უსაფუძვლო ბრალდებებს აყენებენ.
„ჩვენ ვიმყოფებით ისეთ წინასაარჩევნო პროცესში, როდესაც ოპონენტები – „ნაციონალური მოძრაობა” და „ევროპული საქართველო” ჩვენ მიმართ აჟღერებენ ბრალდებებს. არის ოთხი თემა, სადაც ამ გუნდმა განიცადა ყველაზე დიდი კრახი მმართველობის დროს. ეს არის ადამიანის უფლებები, მედიის თავისუფლება, აგვისტოს ომი – საქართველოს საგარეო პოლიტიკა ამ მიმართულებით და ბიზნესის თავისუფლება. ვნახოთ მათ მიერ მართული მედია, მათი სპიკერები, მათი პოლიტიკოსები – ყველაზე მეტად ამ ოთხ თემაზე საუბრობენ და ყველაზე ხშირად კი იმ თემებზე, რაც მათ დროს იყო ყველაზე დიდი პრობლემა. ერთი შეკითხვა მექნება ბატონ გოკასთან – თქვენ ეყრდნობით ზაზა ოქუაშვილს და გჯერათ მისი მონაყოლის ხომ? ზაზა ოქუაშვილმა ამავე გამოსვლაში ისაუბრა, რომ თქვენი პარტია „ევროპული საქართველო” არის „ქართული ოცნების” სატელიტი. ამას ეთანხმებით?”, – განაცხადა არჩილ თალაკვაძემ.