თეა წულუკიანი “საერთაშორისო გამჭვირვალობის“ მიერ უწყებათაშორისი კომისიის დატოვებას, არასერიოზულ ნაბიჯად აფასებს

იუსტიციის მინისტრი თეა წულუკიანი “საერთაშორისო გამჭვირვალობის“ მიერ უწყებათაშორისი კომისიის დატოვებას არასერიოზულ ნაბიჯად აფასებს.
როგორც თეა წულუკიანმა ჟურნალისტებთან საუბრისას განაცხადა, მათი ეს ნაბიჯი კიდევ უფრო მეტად ავალდებულებს უწყებათაშორის კომისიას, რომ უფრო მეტად სერიოზულები იყვნენ, ვიდრე აქამდე.
„ვფიქრობ, ეს მათი მხრიდან არასერიოზული ნაბიჯია, რომელიც კიდევ უფრო მეტად გვავალდებულებს, ჩვენ ვიყოთ კიდევ უფრო მეტად სერიოზულები, ვიდრე აქამდე ვიყავით. შესაბამისად, უწყებათაშორისი კომისია, რა თქმა უნდა, გავაგრძელებთ მუშაობას ცალმხრივ რეჟიმში. იმედი მაქვს, ისინი ამ გადაწყვეტილებას შეცვლიან. მიუხედავად იმისა, რომ მათ მიერ გაკეთებული არაერთი შეფასება არის ზედაპირული, ჩვენ მაინც, როგორც ეს იყო საია-ს შემთხვევაში, ვაგრძელებთ მათ მოსმენას, თუნდაც მედიამონიტორინგის საშუალებით და მათზე რეაგირებას, მიუხედავად იმისა, რომ თავად არ ესწრებიან ხოლმე კომისიის სხდომებს.
ასევე შეტყობინებები როგორც ეგზავნებოდათ, ახლაც გაეგზავნებათ და კომისიის კარი, რა თქმა უნდა, ღია დარჩება მათთვის, იმ შემთხვევისთვის, თუ ისინი გადაწყვეტენ, რომ დაუბრუნდნენ სერიოზულობას და სამუშაო რეჟიმს“, – განაცხადა თეა წულუკიანმა.