„საქართველოს ალიანსი უსაფრთხო გზებისთვის“ 2018 წლის იანვარ-აგვისტოსსაგზაო შემთხვევების სტატისტიკას შინაგან საქმეთა სამინისტროს ვებგვერდზე გამოქვეყნებული ოფიციალური მონაცემების მიხედვით ავრცელებს. ამის შესახებ სააგენტო „ინტერპრესნიუსი“ წერს.
ალიანსის ინფორმაციით, 2017 წელთან შედარებით, წლევანდელი წლის 8 თვის მონაცემებით, დაღუპულ პირთა რაოდენობა 8%-ით შემცირდა, კერძოდ, წინა წელთან შედარებით, ავტოსაგზაო შემთხვევების შედეგად 26 პირით ნაკლები დაიღუპა.
მიმდინარე წლის 8 თვის მონაცემებით, წინა წლის იგივე პერიოდთან შედარებით თბილისში საგზაო შემთხვევები 4 %-ით, დაშავებულობა კი 2%-ით გაიზარდა. ავტოავარიას ასევე წინა წელთან შედარებით 1 პირით მეტი ემსხვერპლა. „საქართველოს ალიანსი უსაფრთხო გზებისთვის“ ინფორმაციით, საქართველოში მომხდარი ავტოავარიების 47%, დაზიანებების 41% და დაღუპულობის 20% დედაქალაქზე მოდის, დანარჩენი კი რეგიონებზე ნაწილდება.
რაც შეეხება 16 წლამდე მოზარდბს, მიმდინარე წლის 8 თვის მონაცემებით, წინა წლის იგივე პერიოდთან შედარებით საპატრულო პოლიციის სამოქმედო ტერიტორიაზე 16 წლამდე მოზარდების დაშავებულობა 2 %-ით გაიზარდა, ხოლო 2 მოზარდით ნაკლები დაიღუპა. კერძოდ, 2018 წლის იანვარ-აგვისტოში მომხდარი ავტოსაგზაო შემთხვევების შედეგად 16 წლამდე ასაკის 13 მოზარდი დაიღუპა, 646 კი დაშავდა.