ხორავას ქუჩის საქმეზე დაკავებული მირზა სუბელიანის მონაწილეობით გავრცელებულ ფარულ ჩანაწერებზე დღეს იუსტიციის მინისტრმა ჟურნალისტებთან ისაუბრა.
„სასჯელაღსრულების სისტემაში ასე იყო მუდამ და ასე არის მას მერეც, რაც იუსტიციის სამინისტრო შემოუერთდა, რომ საქართველოს პარლამენტის დეპუტატები, რომელი პარტიის წარმომადგენელიც არ უნდა იყოს, პარლამენტის თავმჯდომარის ნებართვით ისე, რომ ჩვენ არ გვაქვს უფლება ხელი შევუშალოთ ამ ვიზიტებს, შედიან და ნახულობენ მათთვის სასურველ პატიმრებს. ამ შემთხვევაში ეს ჩანაწერი როდის არის გაკეთებული-კონკრეტული დღე, საათი ვის მიერაა გაკეთებული და გამოტანილი, თუ ამგვარი ჩანაწერები საერთოდ გაკეთდა ციხის კედლებში , არის თუ არა ავთენტური? ამის შესახებ როგორც ვნახეთ პროკურატურამ გუშინ გაავრცელა განცხადება. სამი დღის წინ არის გამოძიება დაწყებული, გუშინაც მიმდინარეობდა დაკითხვები და გამოძიება გაგრძელდა. პროკურატურა იმედი მაქვს სრული გამჭირვალობის პირობებში საზოგადოების შეატყობინებს გამოძიების მიმდინარეობის შესახებ” – განაცხადა თეა წულუკიანმა.