იუსტიციის სამინისტროში უწყებათაშორისი კომისიის სხდომა მიმდინარეობს. შეხვედრაზე მთავარ განსახილველ თემად შეხვედრის მონაწილეები, არჩევნების დროს გამოვლენილი დარღვევის შესაძლო ფაქტებს განიხილავენ.
უწყებათაშორისი კომისიის სხდომაზე პროკურატურა სტატისტიკას წარადგენს, რომლის მიხედვითაც გამოძიება 47 საქმეზეა დაწყებული, აქედან ცხრა შემთხვევაში პროკურატურამ გამოძიება შეაჩერა, ყველა სხვა საქმეზე კი მიმდინარეობს მტკიცებულებების მოკვლევა. 7 პირის მიმართ, გამოძიების ფარგლებში, სისხლის სამართლებრივი დევნაა დაწყებული.
არასამთავრობო ორგანიზაციების წარმომადგენლები, ასევე, დაინტერესდნენ თიანეთის მე-20 საარჩევნო უბანზე მომხდარის გამოძიებით. მათი თქმით, შესაძლოა არჩევნების შედეგების გაყალბებას ჰქონდეს ადგილი და ამიტომ აუცილებელია გამოძიება პროკურატურამაც დაიწყოს.
იუსტიციის სამინისტროში უწყებათაშორისი კომისიის სხდომა მიმდინარეობს
2018/10/18 12:55:26
ნანახია: 834 ჯერ