ბადრი პატარკაციშვილის საქმე თავიდანვე ნათელი იყო, მიხეილ სააკაშვილმა შეუკვეთა პატარკაციშვილის მკვლელობა ირაკლი ოქრუაშვილს, რის შესახებ თავად ოქრუაშვილმა პირდაპირ ეთერში განაცხადა, – ამის შესახებ რეჟისორმა გოგა ხაინდრავამ განაცხადა.
„ოქრუაშვილი იყო თავდაცვის მინისტრი, შინაგან საქმეთა მინისტრი და ყველაზე გავლენიანი პირი. პატარკაციშვილი უნდა დაიბრიდოს როგორც ლიბანის პრემიერი რაფიკ ჰარირი, რომელიც ააფეთქეს მანქანაში. ეს დავალება პირდაპირ იყო მიცემული ოქრუაშვილისთვის. ეს „მასტერა“, სისხლიანი ხელებით რომ მოსვარა მთელი ქვეყნა, ამბობს, რომ ისე უნდა გაკეთდეს, ჩვენზე არავინ იფიქროსო. პატარკაციშვილი ზუსტად იმ სცენარით მოკვდა, როგორც ჩანაწერებში საუბრობენ. სკოტლანდ იარდმა არ მოინდომა ამ საქმის გამოძიება. კონიუნქტურა იყო მაშინ ასეთი“, – განაცხადა გოგა ხაინდრავამ.
ამასთან, როგორც ხაინდრავამ აღნიშნა, ქართულმა საზოგადოებამ ისედაც მშვენივრად იცოდა, რომ ბადრი პატარკაციშვილი მოწამლულია.
„დაიწყო ძიება და მიხვდნენ, რომ საჭიროა დადგინდეს, როგორ მოკვდა 50 წლის საღსალამთი კაცი იქ, როცა აქ იგეგმებოდა მოწამვლა. ის „ნავიჩოკი“ სკრიპალისთვის კი არ მოიგონეს. მე არ ვიცი რითი, მაგრამ პატარკაციშვილი რაღაცით იყო მოწამლული“, – განაცხადა გოგა ხაინდრავამ.