იტალიაში არალეგალი მიგრანტების უკანონოდ გადაყვანაში ბრალდებული ორი ქართველი მამაკაცი დააკავეს.
Ambebi.ge-ს ინფორმაციით, იტალიელმა სამართალდამცველებმა ქართველები მაშინ დააკავეს, როცა 14-მეტრიანი ნავით, იტალიის საზღვაო საზღვარი გადაკვეთეს, ლეჩეს პროვინციაში ქალაქ გალაპოლში შევიდნენ და სანაპიროდან უახლოესი დასახლებისაკენ აიღეს გეზი. ნავში 71 არალეგალი იმყოფებოდა, რომლებიც დაუდასტურებელი ინფორმაციით, პაკისტანელები არიან.
როგორც Ambebi.ge წერს, კარაბინერებისა და ფინანსური პოლიციის ერთობლივი ოპერაციის შედეგად, მოხდა ნავის კონფისკაცია და მიგრანტების დროებითი განთავსების ცენტრში გადაყვანა, სადაც ამჟამად მათი იდენტიფიცირება მიმდინარეობს.
დაკავებულები თავს უდანაშაულოდ მიიჩნევენ. მათი განცხადებით, იმ კონკრეტულ მომენტში სანაპიროზე შემთხვევით აღმოჩნდნენ.
ბოლო რამდენიმე თვის განმავლობაში, ამავე ბრალდებით ეს ქართველების დაკავების მესამე შემთხვევაა.