თემურ შაშიაშვილმა, რომელიც დღევანდელ დებატებში მონაწილეობას ითხოვდა, პირველი არხის შენობა დატოვა

პრეზიდენტობის კანდიდატმა თემურ შაშიაშვილმა, რომელსაც სურდა მონაწილეობა მიეღო დებატებში, ტელევიზიის შენობა დატოვა.
თემურ შაშიაშვილს სურვილი ჰქონდა მონაწილეობა მიეღო სალომე ზურაბიშვილთან, გრიგოლ ვაშაძესთან და დავით ბაქრაძესთან დებატებში, თუმცა იგი შენობაში არ შეუშვეს.
შაშიაშვილმა განაცხადა, რომ, მას როგორც საპრეზიდენტო კანდიდატს, ყველგან შესვლის უფლება ჰქონდა.
თემურ შაშიაშვილს გადაცემა „დებატები 2018“-ის წამყვან გიორგი გვიმრაძეს შეხვდა.
როგორც გიორგი გვიმრაძემ თემურ შაშიაშვილს განუცხადა, დებატებში მონაწილეობას იმ შემთხვევაში შეძლებდა, თუ ამას თავად საპრეზიდენტო კანდიდატები, სალომე ზურაბიშვილი, გრიგოლ ვაშაძე და დავით ბაქრაძე დათანხმდებოდნენ.
პირველი არხის ეთერში საქართველოს პრეზიდენტობის კანდიდატებს შორის კიდევ ერთი დებატები იმართება, რომელშიც სამი კანდიდატი მონაწილეობს: პრეზიდენტობის დამოუკიდებელი კანდიდატი სალომე ზურაბიშვილი, „ევროპული საქართველოს“ კანდიდატი დავით ბაქრაძე და „ნაციონალური მოძრაობის“ კანდიდატი გრიგოლ ვაშაძე.