ბიძინა ივანიშვილი – “რუსთავი 2”-ის მიმართ ჩემი მინიშნება სხვანაირად გადათარგმნეს

პარტია “ქართული ოცნება- დემოკრატიული საქართველოს” თავმჯდომარე, ბიძინა ივანიშვილი აცხადებს, რომ ტელეკომპანია “რუსთავი “2- ის თაობაზე მის მიერ რამდენიმე დღის წინ გაკეთებულ მინიშნებებს, ოპონენტებმა ინტერპრეტაციები მისცეს და “სხვანაირად გადათარგმნეს”.
ბიძინა ივანიშვილმა შესაბამისი განცხადება ჟურნალისტებთან მიმდინარე შეხვედრაზე გააკეთა და განმარტა, თუ რას გულისხმობდა რეალურად აღნიშნულ მინიშნებებში.
“მინდა თქვენი ყურადღება შევაჩერო იმაზე, თუ როგორ გადათარგმნეს ჩემი მინიშნება “რუსთავი 2” -ის მიმართ, რომ ელემენტალური სტანდარტები უნდა იყოს დაცული, რომ განსხვავებული აზრი აუცილებლად უნდა ისმოდეს ტელევიზიიდან, ტელევიზია არ უნდა იყოს ჩაკეტილი და მხოლოდ სიცრუეს არ უნდა აფრქვევდეს, მე რამდენიმე წუთს დავხარჯავ და გავარჩევდი ამ შეხვედრას საჩვენებლად, რამეთუ ამ შეხვედრამ პრაქტიკულად დაასაბუთა ის, რაზეც მე მქონდა შეკითხვები, პირველ რიგში, “რუსთავი 2” -თან , როდესაც ვაცხადებდი, რომ საზოგადოების გარკვეული ნაწილი მას მძევლად ჰყავს აყვანილი, საზოგადოების გარკვეული ნაწილი დღეს კიდევ, სამწუხაროდ, არის შეპყრობილი და ზის მათ სიცრუეებზე და ასე ვთქვათ, “ყიდულობს” მათ სიცრუეებს და გარკვეულ რეაგირებებსაც ახდენს, რაც, რა თქმა უნდა, საზოგადოებისთვის და ქვეყნის განვითარებისთვის საინტერესო არ არის, ამიტომაც ვაკეთებდი რეაქციას”, – განაცხადა ბიძინა ივანიშვილმა.