გორში 8 წლის გოგონას მკვლელობაში ბრალდებული იაგო ნებიერიძის დედა, ნუნუ ნებიერიძე უარყოფს საკუთარი შვილის ბრალეულობას მოზარდის მკვლელობაში და ადასტურებს იმ ფაქტს, რომ სახლში მეხსიერების ბარათი ინახებოდა, რომელზეც მოზარდების სურათები იყო ჩატვირთული.
“9 თვეა, რაც გამოვიდა, ტელეფონის წართმევაზე იყო დაკავებული, ჯაჯგურზე მერე ძალადობა გამოვიდა, ქალი იყო. რა ბავშვების სურათებზე მეუბნებით, ციხიდან ჰქონდა წამოღებული ეგ, ჩიპი ვათხოვე ვიღაცასო და იმან ჩაწერაო, ბავშვების სურათები რომ იყო, მაგ ბავშვის აბა იყო? არ იყო. არაფერი ჩაუდენია, 7საათზე უკვე სახლში იყო. იმდენი ტყუილი გაშუქდა მანდ, ყველას მოგთხოვთ მაგაზე პასუხს”, – აცხადებს იაგო ნებიერიძის დედა.
ცნობისთვის, 2010 წელს დაბადებული ნ.ბ. 25 ოქტომბერს სახლიდან ცეკვის წრეზე შუადღისას გავიდა, მაგრამ დანიშნულ ადგილზე არ მისულა. ოჯახმა პოლიციას შეატყობინა. რამდენიმე საათში ბავშვი მდინარე ლიახვის პირას გარდაცვლილი იპოვეს.
გორში ბავშვის მკვლელობაში ბრალდებული იაგო ნებიერიძე წარსულში ნასამართლევია.
გამოძიება წინასწარი შეცნობით არასრულწლოვნის მიმართ დამამძიმებელ გარემოებაში ჩადენილი განზრახ მკვლელობის ფაქტზე, საქართველოს სსკ-ს 109-ე მუხლის მე-2 ნაწილის „ბ“ ქვეპუნქტით მიმდინარეობს. დანაშაული ცამეტიდან-ჩვიდმეტ წლამდე პატიმრობას ითვალისწინებს.
სასტიკად ჩადენილი მკვლელობისთვის ბრალდებულის დედა: ყველას მოგთხოვთ პასუხს
2018/10/26 15:48:46
კომენტარები
ნანახია: 1384 ჯერ