საპარლამენტო უმრავლესობის წევრი ლევან კობერიძე საკანონმდებლო ორგანოდან კანაფის წარმოება-კულტივაციასთან დაკავშირებით მომზადებული კანონპროექტის გაწვევას ითხოვს.
როგორც ჟურნალისტებს კობერიძემ განუცხადა, საარჩევნო პროცესმა ძალიან მკაფიოდ აჩვენა, რომ მოსახლეობის დიდმა ნაწილმა ბევრ საკითხზე ხელისუფლებას „არა“ უთხრა.
„სამწუხაროდ, ეს იმ ხმებში აისახა, რომელიც წინა არჩევნებთან შედარებით, გაცილებით ნაკლები იყო. „არა“-ს ერთ-ერთი მიზეზი კანაფის კულტივირების კანონპროექტი იყო. უფლება არ გვაქვს, ადეკვატური არ ვიყოთ. კანონპროექტი პარლამენტიდან უნდა იყოს გაწვეული“, – განაცხადა კობერიძემ.
აღნიშნული კანონპროექტის ავტორი შინაგან საქმეთა სამინისტროა, შესაბამისად, მისი პარლამენტიდან გაწვევის გადაწყვეტილება მთავრობამ უნდა მიიღოს.
კომენტარები