მამუკა მდინარაძე – დარწმუნებულები ვართ, რომ მეორე ტურში გაიმარჯვებს სალომე ზურაბიშვილი

“დარწმუნებული ვართ, რომ დამოუკიდებელი საპრეზიდენტო კანდიდატი სალომე ზურაბიშვილი მეორე ტურში გაიმარჯვებს”, – ამის შესახებ პარტია “ქართული ოცნება – დემოკრატიული საქართველოს” საპარლამენტო წევრმა მამუკა მდინარაძემ განაცხადა.
ამასთან, მამუკა მდინარაძის ინფორმაციით, პარტიის ოფისში საორგანიზაციო და სამუშაო ხასიათის შეხვედრები მიმდინარეობს.
მისივე თქმით, პარტიის ოფისში სამუშაო შეხვედრას პარტიის თავმჯდომარე ბიძინა ივანიშვილი ესწრებოდა.
“პარტიის ოფისში ჩვეულებრივი სამუაო შეხვედრა მიმდინარეობს. ამ შეხვედრას ბიძინა ივანიშვილიც ესწრებოდა. განვიხილეთ ის მესიჯები, რაც საზოგადოებისგან მივიღეთ, მეტი ეკონომიური რეფორმები და ხალხთან მეტი კომუნიკაცია.
ეკონომიური გუნდი დგას ძალიან დიდი გამოწვევის წინაშე. ეს არის არა მარტო ჩვენი უფლება, არამედ ვალდებულებაა. ვემზადებით მეორე ტურისთვის და დარწმუნებულები ვართ, რომ მეორე ტურში გაიმარჯვებს სალომე ზურაბიშვილი. ჩვენი ვალდებულებაა, რომ არ დავუშვათ, რომ ისეთი დესტრუქციული და დამნაშავე ძალის, როგორიცაა “ნაციონალური მოძრაობაა” მათი წარმომადგენელი გახდეს საქართველოს პრეზიდენტი. ეს არის, არა მარტო ჩვენი უფლება, არამედ ეს არის, ჩვენი ვალდებულება ქართული საზოგადოების წინაშე” – განაცხადა მამუკა მდინარაძემ.