პატრიარქის ინიციატივა საინტერესოა, – ამის შესახებ თბილისის მერმა კახა კალაძემ სრულიად საქართველოს კათოლიკოს-პატრიარქის ინიციატივაზე საუბრისას განაცხადა, რომელიც შეეხება მეტეხის ხიდის მიმდებარე ტერიტორიაზე 100 ათასი მოწამის სახელობის ხეივნის ან ტაძრის აშენებას.
კალაძის თქმით, პატრიარქის სიტყვები მისთვის ბევრს ნიშნავს.
„ჩემთვის ბევრს ნიშნავს უწმინდესის სიტყვები და საკმაოდ საინტერესო ინიციატივაა. ყველაფერს გავაკეთებთ, რომ ქალაქისთვის და თბილისელებისთვის საინტერესო პროექტი განხორციელდეს“,- განაცხადა კახა კალაძემ.
ილია მეორის განცხადებით, „ჩვენ გვყავს ენერგიული, ახალგაზრდა მერი და იმედი მაქვს, რომ კალაძე იფიქრებს, მეტეხის ხიდთან 100 000 მოწამის სახელზე ტაძარი ან ხეივანი იყოს“.
კომენტარები