საქართველოს პრემიერ-მინისტრი მამუკა ბახტაძე თბილისში, ზემო ფონიჭალაში მომხდარ ტრაგედიას ეხმაურება. მამუკა ბახტაძე დაღუპულების ოჯახსა და ახლობლებს სამძიმარს უცხადებს.
„დიდი ტრაგედია დაგვატყდა თავს ფონიჭალაში. უდიდეს მწუხარებას გამოვთქვამ მომხდარის გამო. სავარაუდოდ, ბუნებრივი აირის აფეთქების შედეგად დაიღუპა დედა-შვილი, 3 ადამიანი კი, მათ შორის მცირეწლოვანი ბავშვი, მძიმედ არის დაშავებული. სამძიმარს ვუცხადებ დაღუპულების ოჯახსა და ახლობლებს. დაშავებულების მდგომარეობის გასაუმჯობესებლად ექიმები ყველაფერს აკეთებენ“, – ნათქვამია მამუკა ბახტაძის სამძიმრის წერილში.
კომენტარები