მსახიობი თემურ გვალია გაერთიანებული ოპოზიციის “ძალა ერთობაშიას” კანდიდატს გრიგოლ ვაშაძეს “КГБ-ს პრაპორშჩიკ” -ს უწოდებს და მწვავედ აკრიტიკებს.
შესაბამისი შინაარსის პოსტს გვალია “ფეისბუქის” პირად გვერდზე აქვეყნებს.
“აი ეს ენოტთან ნაჯვარი მაჩვი რა დღეშია ნახეთ რა!
80-იანი წლების შემდეგ, ქართულ თეატრებში არავის შეუხედია”ო?!
ჯერ ეს ერთი, სხვას, რომ დასცინი, სიტყვა “შეუხედია” არ არის სწორი გამოთქმა. სწორი გამოთქმაა : “შეუხედავს”… 😉მეორეც ვინმე ხომ არ გეხუმრა უკვე პრეზიდენტი ხარო და შემთხვევით, ხომ არ დაიჯერე?
შე მართლა თანამდებობისთვის შეუფერებელო КГБ-ს პრაპორშჩიკო: ჯერ ფეხბურთელებს დაემუქრე! ახლა ქართულ თეატრს! ხვალ მომღერლების ჯერი დადგება, ალბათ!
კარგად ახსოვს საქართველოს მოსახლეობას, როგორი მონდომებით ახევდი ბავშვებს “მოსწავლეთა ახალგაზრდულ სასახლეს”, რომ შენი წეროსთვის თუ გედისთვის “ტბა” მოგეწყო ფულის გასაკეთებლად… უბრალოდ არ დაგცალდა..
მთელი ქართული “თეატრალური საზოგადოების” საყურადღებოდ: მოუსმინეთ ამ “ბეთხოვენას” რაების გაკეთებას აპირებს და ისე გააკეთეთ არჩევანი!
ეს კანდიდატი დაღუპავს საქართველოს. საქართველოში “მიშა-გრიშას” დრო წავიდა.
არა მიშას!
არა “ნაციონალურ მოძრაობას” და მასში შემავალ 5-კაციან “პარტია-სამიკიტნოებს”!
არა გრიგოლ ვაშაძეს!
იქნება და ამოიღოთ ხმა თეატრის წარმომადგენლებმა და მივუჩინოთ ადგილი ამ “ხელოვნების” და “სპორტის” ფანატ მზვერავს”, -წერს გვალია.
ცნობისთვის, უნდა ფინანსდებოდეს თუ არა პროფესიული თეატრები სახელმწიფო ბიუჯეტიდან, ამის შესახებ გაერთიანებული ოპოზიციის პრეზიდენტობის კანდიდატმა, გრიგოლ ვაშაძემ საქართველოს უნივერსიტეტის სტუდენტებთან ისაუბრა. შეხვედრა ვაშაძესა და სტუდენტებს შორის 2017 წლის 9 მარტს გაიმართა.
“შეიძლება საქართველო 48 პროფესიულ თეატრს ინახავდეს? ვითომ პროფესიულ თეატრს, სადაც 80-იანი წლების დასაწყისიდან არავის შეუხედავს?
როდესაც ეკონომიკურ საწყისებზე ვსაუბრობთ, ეს ეკონომიკური საწყისები გამორიცხულია, რომ ჩვენ დავაფუძნოთ, იმაზე, რომელზეც გვინდა, თუ არ გვექნა მართლა დემოკრატიული სახელმწიფო”, – განაცხადა გრიგოლ ვაშაძემ.