მე ჩამოვედი იმისთვის, რომ დედაჩემი დამეცვა არა მხოლოდ მუქარებისგან, არამედ საერთო სიცრუისგან, რაც ბოლო 2 თვეა მიმდინარეობს- ამის შესახებ ქართული ოცნების” მიერ მხარდაჭერილმა დამოუკიდებელმა საპრეზიდენტო კანდიდატის სალომე ზურაბიშვილის შვილმა, თეიმურაზ გორჯესტანმა იმედის გადაცემაში „პირისპირ“ განაცხადა.
„დედაჩემი არის ქალი, რომელიც წითელი არმიის გამო ემიგრაციაში მოხვდა, რომელიც 80-იან წლებში საფრამგეთის დიოლომატიაში იყო და იბრძოდა თავისუფლებისთვის, როდესაც სხვა კანდიდატი იყო საბჭოთა კავშირში და იყო ამაყი საბჭოთა კავშირის დიპლომატიით. ის არის ქალი, რომელმაც საქართველოდან გაიყვანა რუსული ჯარი”- განაცხადა თეიმურაზ გორჯესტანმა.
მანამდე ზურაბიშვილის შვილმა მუქარების შესახებ ვიდეომიმართვა გაავრცელა.
სალომე ზურაბიშვილმა 12 ნოემბერს ბრიფინგი გამართა და განაცხადა, რომ 9, 10 და 11 ნოემბერს მას და მის შვილებს შეტყობინებები გაუგზავნეს, სადაც ნათლად იყო გამოხატული სიცოცხლის მოსპობის მუქარა. „შუბლს გაგიხვრიტავ, თქვენს სისხლს დავლევ“, – ზურაბიშვილმა მუქარის შემცველი სიტყვების ციტირება გააკეთა.