„ნაციონალური მოძრაობის“ ძველი სახეები და ძველი მეთოდები – დესტაბილიზაციის საფრთხე სამეგრელოში

დღეს გამთენიისას, თბილისის საერთაშორისო აეროპორტში ნაციონალური მოძრაობის პოლიტსაბჭოს მოქმედი წევრი, 20006-2012 წლებში ზუგდიდის მერი ალექსანდრე ქობალია, ბუდაპეშტში ორ დღიანი ვიზიტის შემდეგ ჩამოფრინდა. სავარაუდოდ ის ბუდაპეშტში ყოფნის დროს, დათა ახალაიას შეხვდა.
ბუდაპეშტში ქობალია 2 დღის წინ, 18 ნოემბერს, რუსლან შამახიასთან ერთად გაემგზავრა, რომელიც ასევე ნაციონალური მოძრაობის წევრი და კონსტიტუციური უსაფრთხოების დეპარტამენტის, ე.წ. „კუდის“ ყოფილი მაღალჩინოსანია. აღსანიშნავია, რომ რუსლან შამახია სამეგრელოს ე.წ. “კასრების“ საქმესთან დაკავშირებით, ადამიანის წამების და გაუპატიურების ბრალდებით, პატიმრობაშიც იმყოფებოდა. გავრცელებული ინფორმაციით მას წინა ხელისუფლებაში ყოფნის პერიოდში არაერთ სხვა ბინძურ საქმესთან უნდა ჰქონოდა შემხებლობა. რუსლან შამახია ამ დრომდე არ ჩამოსულა და სავარაუდოდ კვლავ ბუდაპეშტში რჩება.
თბილისის აეროპორტში ალექსანდრე ქობალიას ჟურნალისტები დახვდნენ და ბუდაპეშტში ვიზიტის შესახებ კითხვები დაუსვეს, მათ შორის დათა ახალიასთან შეხვედრასა და მურთაზ ზოდელავასთვის შავი ფულის ჩამოტანასთან დაკავშირებით, ასევე არჩევნების პირველ ტურში, სამეგრელოში ამომრჩევლის მოსასყიდად 200 000 ლარის დახარჯვასა და დესტაბილიზაციის გეგმაზე, თუმცა ის ჟურნალისტებისგან მაქსიმალურად ცდილობდა თავის დაღწევას და ყველა კითხვას გაურბოდა. მიუხედავად იმისა, რომ ქობალია ბუდაპეშტის რეისით ჩამოფრინდა, ის ჟურნალისტებს უმტკიცებდა, რომ ვენაში იმყოფებოდა.
აღსანიშნავია, რომ ალექსანდრე ქობალია ცნობილია, როგორც ნაციონალური მოძრაობის ხელისუფლებში, ყველაზე დიდი ხნის განმავლობაში მერის თანამდებობაზე მყოფი მაღალჩინოსანი. ის უშუალოდ მიხეილ სააკაშვილის ფავორიტი და ნდობით აღჭურვილი პირია. იგი ამჟამადაც ღიად აფიქსირებს ნაციონალური მოძრაობის და გრიგოლ ვაშაძის მიმართ მხარდაჭერას.
სამეგრელოში, ალექსანდრე ქობალია და რუსლან შამახია აქტიურად არიან ჩართულები წინასაარჩევნო კამპანიაში. ასევე, არსებობს ინფორმაცია, რომ ისინი ბუდაპეშტში დათა ახალიას შეხვდნენ და მისი და მეგის ქარდავას დავალებით, არჩევნების გაყალბებისთვის მობილიზებული თანხების საქართველოში ჩამოტანა დაგეგმეს.
ამ დრომდე უცნობია, როდის დაბრუნდება ალექსანდრე შამახია ბუდაპეშტიდან და დაბრუნდება თუ არა ის ე.წ. „შავი ფულით“.