ონში დაჭრილი ნაციონალური მოძრაობის წევრი თბილისში, ღუდუშაურის სახელობის კლინიკაში რეანიმაციულ განყოფილებაში მართვით სუნთქვაზე იმყოფება. ექიმის ცნობით, ნოდარ ბურდილაძეს ოპერაცია ჩაუტარდა და მისი ჯანმრთელობის მდგომარეობა სტაბილურად მძიმეა. დაშავებული თერჯოლის კლინიკიდან გუშინ საღამოს გადაიყვანეს.
ბურდილაძე ონში საპრეზიდენტო კანდიდატის საარჩევნო შტაბის ხელმძღვანელია. კლინიკასთან ოპოზიციის წევრებიც იმყოფებოდნენ. ისინი მომხდარს ბურდილაძის პოლიტიკური საქმიანობას უკავშირებენ.
შსს-ს ცნობით, ონში დანაშაული ურთიერთშელაპარაკების ნიადაგზე, ნასვამ მოქალაქეებს შორის მოხდა. დაკავებულია ერთი ადამიანი. გამოძიება განზრახ მკვლელობის მცდელობის ფაქტზე მიმდინარეობს.
კომენტარები