თბილისში აქცია „არა ნაცებს“ იმართება. დღევანდელ აქციაზე ყველა ის ადამიანი მონაწილეობს, რომელთაც წარსულში დაბრუნება არ სურთ.
„დღეს ამ აქციაში მონაწილეობს ყველა ის ადამიანი, რომელსაც არ უნდა ჩვენი ქვეყანა დაბრუნდეს წარსულში, არ უნდა ჩვენი ქვეყანა დაბრუნდეს ტერორის, ძალადობის, ქონების წართმევის, ადამიანების წამების ეპოქაში. ეს იყო სააკავშილ-ბოკერიას მმართველობა. სწორედ ამ რეჟიმის შეფასებას ითვალისწინებს ჩვენი რეზოლუცია, რომელიც პარლამენტშია შეტანილი და პლენარულ სხდომაზე მოხდება მისი კენჭისყრა.
დღეს ჩვენ გავიხსენებთ იმ რეჟიმის მიერ მოკლულ ადამიანებს, და რა თქმა უნდა, გამოვუცხადებთ მხარდაჭერას სალომე ზურაბიშვილს, რადგან სხვა არჩევანი ქვეყანას არ აქვს. ვაშაძის მხარდაჭერა ნიშნავს დაბრუნებას წარსულში და იმ რეალობაში, რომელსაც თავი დავაღწიეთ 2012 წელს“,- განაცხადა ირმა ინაშვილმა.
პატრიოტთა ალიანსის ლიდერის ირმა ინაშვილის თქმით, „ქართულმა ოცნებამ“ უნდა შეწყვიტოს „ნაციონალური მოძრაობის“ პოლიტიკურ ოპონენტებად დასახელება და შეწყვიტოს მათთან კოჰაბიტაცია.
23 ნოემბერს, „არა ნაცებს“ – ამ სახელწოდებით „პატრიონთა ალიანსმა“ ბათუმში აქცია გამართა. მათ “ნაციონალური მოძრაობის” მმართველობის პერიოდი გაიხსენეს და განაცხადეს, რომ არ დაუშვებენ ძალადობრივი რეჟიმის დაბრუნებას.
