ავღანეთში მყოფი ქართველი სამხედრო მოსამსახურეებისთვის საპრეზიდენტო არჩევნების მეორე ტური დღეს გაიმართება. ორი საარჩევნო უბანი ავღანეთის დროით 07:00 საათზე გაიხსნება.
ორივე საარჩევნო უბანზე სულ, ჯამში 896 სამხედრო მოსამსახურეა რეგისტრირებული. დალუქულ დოკუმენტაციას კომისიის წევრები ჩამოიტანენ და 28 ნოემბერს ცენტრალურ საარჩევნო კომისიაში დაითვლიან. საარჩევნო პროცესი ავღანეთის დროით 20:00 საათზე დასრულდება.
პირველი ტურის მონაცემების თანახმად ავღანეთში „ქართული ოცნების“ მიერ მხარდაჭერილმა დამოუკიდებელმა კანდიდატმა, სალომე ზურაბიშვილმა ხმების 38.64% მიიღო, „ნაციონალური მოძრაობის“ კანდიდატმა გრიგოლ ვაშაძემ კი – 37,74%.
საპრეზიდენტო არჩევნების მეორე ტური 28 ნოემბერს გაიმართება.
კომენტარები