ეგზიტპოლების შედეგების გამოცხადების შემდეგ, სალომე ზურაბიშვილის პირველი კომენტარი გააკეთა.
“დღეს ძალიან მნიშვნელოვანი დღეა, ჩვენ ქვეყანაში გაკეთდა პრინციპული არჩევანი, რასაც დღევანდელი და ხვალინდელი საქართველოსთვის აქვს ძალიან დიდი მნიშვნელობა. ჩვენ ერთად ვთქვით საბოლოო და მტკიცე უარი წარსულზე.
ჩვენი არჩევანი მშვიდობიანი საქართველოა, თავისუფალი და თანასწორი მოქალაქეების ქვეყანა. ჩვენი არჩევანი, საზოგადოების იმ ნაწილთან დიალოგია, ვინც დღეს ხმა არ მომცა და ვინც არ არის ჩვენი თანამოაზრე დღეს.
ჩვენ, ყველანი ვართ ერთი პატარა ქვეყნის მოქალაქეები, ერთ სახელმწიფოში ვცხოვრობთ და უნდა ვიცხოვროთ, უნდა გავამთლიანოთ, დავაწყნაროთ, მე გპირდებით დღეს, რომ ყველაფერს ვიღონებ,რასაც შევძლებ იმისთვის, რომ ამას მივაღწიოთ, რათა გავერთიანდეთ”– განაცხადა სალომე ზურაბიშვილმა.
