ფოთში სტიქიის სალიკვიდაციო სამუშაოები გრძელდება. ადგილზე მერიის შესაბამისი სამსახურები მუშაობენ. ქალაქის ვიცე-მერის კოტე თოფურიას თქმით, სპეციალური კომისია ზარალს ამ დრომდე აღწერს. მისივე ინფორმაციით, ძლიერი ქარის შედეგად მიყენებული ზარალის ოდენობა დღის ბოლოს გახდება ცნობილი.
„30 ნოემბრის სტიქიის შედეგად ფოთს მნიშვნელოვანი ზარალი მიადგა. შექმნილია სპეციალური კომისია, რომლის შემადგენლობაშიც შედის მერიის სამსახურები. დღეის მდგომარეობით აღწერილია თითქმის მთელი ქალაქი, მიმდინარეობს დარჩენილი უბნების აღწერა. დაზარალებულ მოსახლეობას ურიგდება სახლების გადასახური მასალა, როგორც მთლიანი, ასევე დროებითი გადახურვისთვის. მობილიზებული არიან მშენებლები, რომლებიც აღნიშნულ პრობლემებს სწავლობენ და დღის ბოლოსთვის გვეცოდინება თუ რა ზარალი მიაყენა ძლიერმა ქარმა ფოთის მოსახლეობას. ეს იქნება მიახლოებითი ციფრი, რომელიც ორ-სამ დღეში დაზუსტდება. მაქსიმალურად შევეცდებით პრობლემები დროულად აღმოვფხვრათ და ზარალი ავანაზღაუროთ“, – აღნიშნა კოტე თოფურიამ.
