მსოფლიოს ერთ-ერთი ყველაზე მსხვილი ნავთობტრეიდერი – კომპანია Vitol-ი, მოგების მისაღებად, მზად არის, დაიქირავოს გემები, რომლებზეც აშშ-ის სანქციებია დაწესებული. ეს იმის გამო, რომ ისინი ნავთობპროდუქტებს სირიასა და ყირიმში ჰყიდის.
როგორც Report-სთვის გახდა ცნობილი, Vitol-მა ნავთობის ექსპორტზე კონტრაქტი კომპანია ENOC-თან ( Emirates National Oil Company)გააფორმა – იმ ნავთობმომპოვებელი ადგილიდან, რომელსაც კასპიის ზღვის თურქმენულ შელფზე ENOC-ის შვილობილი კომპანია – Dragon Oil-ი ამუშავებს.
თავდაპირველად, ნავთობის გატანა იმ გემებზე იგეგმებოდა, რომლებიც რუსულ კომპანია “ვფ ტანკერს” და თურქმენულ საზღვაო სახომალდოს ეკუთვნის. თუმცა, დროთა განმავლობაში, კომპანია Vitol-მა გადაწყვიტა, გაეიაფებინა საზღვაო ტრანსპორტირება და ტანკერები Mekhanik Voronkov-ი ( IMO 886719, 1971 წლის გამოშვების ) და Grigoriy Bugrov-ი ( IMO 8848628, 1974 წლის გამოშვების) დაიქირავა. გემი Mekhanik Voronkov-ი თურქმენეთის პორტ ალაჯაში, ნავთობის ჩასატვირთად, უკვე მიემართება.
იმის გარდა, რომ ამ გემებს უკვე შეუსრულდა 45 წელზე მეტი და კასპიის ზღვის ეკოლოგიისთვის მნიშვნელოვან საფრთხეს წარმოადგენს, მათი მფლობელი და ოპერატორი არის კომპანია Trans-flot JSC, Samara, რომელიც, OFAC-ის ( Office of Foreign Assets Control) სირიასა და ყირიმში ნავთობ პროდუქტების შეტანის ორგანიზებისთვის, სანქციაში მოხვედრილთა სიაშია. ამას გარდა, კომპანია Vitol-ი მოლაპარაკებებს ორი დამატებითი ხომალდის დაქირავების შესახებაც აწარმოებს, რომლებიც, ასევე, აშშ-ის სანქციების ქვეშ არის მოხვედრილი. ესენია – Stallingrad-ი ( IMO 9690212) და Marshall Tukhachevsky-ი( IMO 9035541) . გასაკვირია, რომ კომპანია Vitol-ი, რომელიც მრავალმილიარდიან ოპერაციებს აწარმოებს აშშ-ში და ამ ქვეყნის ტერიტორიაზე სერიოზული ბიზნესი აქვს, მზად არის, აშშ-ის სანქციების ქვეშ მოხვედრის რისკზე მოკლევადიანი მოგების გამო წავიდეს.