ნავთლუღის სპეცოპერაციის საქმეზე კუდ-ის ყოფილი აგენტი დაიკითხა.
დავით ნაზარაშვილმა განაცხადა, რომ 2006 წელს ნავთლუღის ავტოსადგურზე სპეცოპერაციას არ შესწრებია. მიუხედავად ამისა კუდის ყოფილმა მაღალჩინოსანმა გია დგებუაძემ დაურეკა, შემთხვევის ადგილზე მიიყვანა და უთხრა მათთვის სასარგებლო ჩვენება უნდა მიეცა.
“უნდა მეთქვა რომ ვმუშაობდი ნავთლუღის ავტოსადგურზე ვვაჭრობდი და შევესწარი ფაქტს. არადა რეალურად იქ არ ვიმყოფებოდი. წამიყვანეს თბილისის პროკურატურაში და ხელი მოვაწერე ჩვენებას, რომელიც წაკითხულიც არ მქონდა. მითხრეს, თუ ამას არ გავაკეთებდი, პრობლემები შემექმნებოდა. ჩემი თანამშრომლობა კუდთან ჩემი დაკავების შემდეგ დაიწყო. თანამშრომლობის სანაცვლოდ პატიმრობიდან გამათავისუფლეს”,-განაცხადა კუდის ყოფილმა კონფიდენტმა.
კომენტარები