ილიას სახელმწიფო უნივერსიტეტის ბიზნეს სკოლის 15 სტუდენტმა უნივერსიტეტის რექტორის კაბინეტთან შიმშილობა დაიწყო.
აქციის მონაწილეები ითხოვენ რექტორ გიგა ზედანიას გადადგომას, შიმშილობას იქამდე გააგრძელებენ, ვიდრე მათი მოთხოვნები არ დაკმაყოფილდება.
სტუდენტებმა ასევე განათლების მინისტრს, მიხეილ ბატიაშვილს მიმართეს, რომ დაინტერესდეს მიმდინარე პროცესებით.
ილიას სახელმწიფო უნივერსიტეტის სტუდენტთა ნაწილმა თავდაპირველად აქცია გიორგი ქადაგიძის თანამდებობაზე აღდგენის და სკოლისთვის პირვანდელი სახელის დაბრუნების მოთხოვნით დაიწყო. აღნიშნული მოთხოვნა სტუდენტთა მხრიდან კვლავ ძალაშია.
სტუდენტების პროტესტი უნივერსიტეტში მიმდინარე რეორგანიზაციამ გამოიწვია.
ეროვნული ბანკის ყოფილმა პრეზიდენტმა გიორგი ქადაგიძემ, რომელიც ბოლო დრომდე ილიაუნის ბიზნესის სკოლის ხელმძღვანელი იყო, რეორგანიზაციისა და სკოლის გაუქმების შესახებ ინფორმაცია 31 იანვარს გაავრცელა.
ილიაუნიში მიმდინარე პროცესებზე „იმედის“ ეთერში ვრცლად უნივერსიტეტის რექტორმა გიგა ზედანიამ ისაუბრა.