ქარის დროს “ყაზტრანსგაზ-თბილისი“ მომხმარებელს მეტი ყურადღებისკენ მოუწოდებს

ქარის ზემოქმედებით, ღია წვის კამერიანი გაზის დანადგარიდან შესაძლოა, გაზის ნამწვი, CO მხუთავი აირი, ოთახში გაიფრქვას. ამის შესახებ ინფორმაციას „ყაზტრანსგაზ-თბილისი“ ავრცელებს და მოსახლეობას ქარიან ამინდში მეტი ყურადღებისკენ მოუწოდებს.
„ქარიან ამინდში დანადგარებიდან მომდინარე საფრთხეები მნიშვნელოვნად იზრდება, შესაბამისად, იმ მოქალაქეებს, ვინც ჯერ კიდევ ღია წვის კამერიან გამათბობლებსა და წყლის გამაცხელებლებს იყენებს, მოვუწოდებთ, დაუყოვნებლივ გამორთონ ისინი და დაუკავშირდნენ „ყაზტრანსგაზ-თბილისს“, ჩვენი სპეციალისტები სრულიად უფასოდ დაგეხმარებიან #მკვლელი დანადგარების დემონტაჟში. „ყაზტრანსგაზ-თბილისი“ კიდევ ერთხელ მოგიწოდებთ, შეცვალეთ #მკვლელი დანადგარები თანამედროვე, უსაფრთხო, დახურული წვის კამერიანი მოწყობილობებით! საჭიროების შემთხვევაში დარეკეთ ნომერზე: 114. ზარი უფასოა“, – ნათქვამია „ყაზტრანსგაზ-თბილისის“ მიერ გავრცელებულ ინფორმაციაში.