თბილისი-სენაკი-ლესელიძის საავტომობილო გზის 87-ე კილომეტრზე, კვირას, 24 თებერვალს, 16:00-დან 20:00 საათამდე მოძრაობა პერიოდულად, 5-10 წუთით, რამდენიმეჯერ შეიზღუდება. მიზეზი მოკლემეტრაჟიანი ფილმის გადაღებაა. ინფორმაციას საავტომობილო გზების დეპარტამენტი ავრცელებს.
გზის ამ მონაკვეთზე მდებარეობს გორის საავტომობილო გვირაბი, რომლის მარცხენა მიმართულებაზე (დასავლეთი-აღმოსავლეთი) ყველა სახის ავტოტრანსპორტის მოძრაობა იკრძალება, რის გამოც ავტოტრანსპორტი გორის გვირაბის შემოვლით გადაადგილდება.
ოთხსაათიანი, შეზღუდული რეჟიმით ავტოტრანსპორტის გადაადგილებას კოორდინაციას საპატრულო პოლიცია გაუწევს.
კომენტარები