მამუკა ხაზარაძე პარლამენტში მივიდა

თი-ბი-სი ბანკის“ დამფუძნებელი მამუკა ხაზარაძე პარლამენტში მივიდა.
პარლამენტის დარგობრივ კომიტეტის სხდომაზე მამუკა ხაზარაძე დეპუტატების შეკითხვებს უპასუხებს და საზოგადოებას საქმის დეტალებს გააცნობს.
„დავპირდი პარლამენტს და საზოგადოებას, ვიქნები კომიტეტის მოსმენაზე, რათა მშვიდად განვიხილო და გავაცნო საქმის დეტალები პარლამენტარებს და საზოგადოებას. ამავე დროს, დამოუკიდებლად გავაგრძელებ ჩემი უფლებების სამართლებრივ დაცვას სასამართლო წესით, როგორც კერძო პირი საქართველოში და უცხოეთში“, – აცხადებს მამუკა ხაზარაძე.
პარლამენტში უკვე მივიდა საქართველოს ეროვნული ბანკის პრეზიდენტი კობა გვენეტაძეც. დღეს, კობა გვენეტაძე პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე მოხსენებით წარდგება.
დღის წესრიგის მიხედვით, მოხსენების პირველი საკითხი ეროვნული ბანკის მიერ შემოღებულ ახალ რეგულაციებს ეხება, ხოლო მეორე – „თიბისი ბანკთან“ დაკავშირებულ პროცესებს.
ცნობისათვის, ხაზარაძე დარგობრივი ეკონომიკისა და ეკონომიკური პოლიტიკის კომიტეტის სხდომაზე „ევროპულმა საქართველომ“ მიიწვია.