ვღებულობდე მითითებებს ან ვადევნებდე თვალყურს, რომ ვინმეს მითითებას აძლევდნენ, კენჭი უყარონ ამა თუ იმ საკითხს, ასეთი მესიჯი თვალით არ მინახავს ჩემს საკომუნიკაციო სივრცეში – ამის შესახებ ჟურნალისტებს ჯანდაცვის მინისტრმა დავით სერგეენკომ განუცხადა.
მედიის წარმომადგენლებმა სერგეენკოს დეპუტატ გედევან ფოფხაძის განცხადებასთან დაკავშირებით დაუსვეს კითხვა.
„სამთავრობო „მესიჯ ბოქსი“, რა თქმა უნდა, არსებობს. უფრო მეტიც, არის თემატური „მესიჯ ბოქსები“, როდესაც გარკვეული საკითხების შესახებ ცალკე ჯგუფი იქმნება და ვმსჯელობთ ამაზე. მე რა თქმა უნდა, არ ვარ ვალდებული, რომ ყველა მიმოწერის შინაარსი გავასაჯაროვო. რაც შეეხება იმას, რომ მე ვღებულობდე მითითებებს ან ვადევნებდე თვალყურს, რომ ვინმეს მითითებას აძლევდნენ, კენჭი უყარონ ამა თუ იმ საკითხს, ასეთი მესიჯი თვალით არ მინახავს ჩემს საკომუნიკაციო სივრცეში,“ – განაცხადა დავით სერგეენკომ.
ცნობისთვის, გედევან ფოფხაძე აცხადებს, რომ არსებობს უმრავლესობის „ჩათი“, სადაც ხდება ძირითად საკითხებზე შეჯერება და მითითებების მიცემა, თუ რა პოზიცია უნდა დააფიქსირონ.