თბილისის მერმა კახა კალაძემ აღმაშენებლის ხეივანში მდებარე დროშის რეაბილიტაციის დავალება გასცა. როგორც კალაძემ მუნიციპალიტეტის მთავრობის სხდომაზე განაცხადა, დროშის საყრდენი ბოძი ქარმა დააზიანა და მას სასწრაფო რეაბილიტაცია სჭირდება.
რაც შეეხება ქარისგან დაზარალებულ მოქალაქეებს, კალაძემ მათი დახმარების დავალებაც გასცა.
„როდესაც თბილისში ძლიერი ქარი და ცუდი ამინდები იყო, გარკვეული პრობლემები შეიქმნა სხვადასხვა რაიონებში. ვიცი, რომ გამგეობები და გამგებლები მაქსიმალურად ჩართულები ხართ და ყველა დაზარალებულს მაქსიმალური თანადგომა და მხარდაჭერა აქვს. ასევე, აღმაშენებლის ხეივანში არსებული დროშა დააზიანა ქარმა. როგორც ვიცი საყრდენი ბოძი დაზიანებულია და მინდა დაგავალოთ, დაიწყოთ რეაბილიტაცია, რომ იყოს უფრო მდგრადი და ამინდის გაუარესებამ პრობლემა არ შეუქმნას დროშას. იმუშავეთ გამგეობასთან ერთად და რაც შეიძლება სწრაფად მოაგვარეთ ეს პრობლემა”,- განაცხადა კალაძემ.