საფრანგეთის ქალაქ არლში მდებარე ვინსენტ ვან გოგის ფონდში, ნიკო ფიროსმანის ნამუშევრების გამოფენს გაიხსნა. ექსპოზიციაზე 29 ტილოა წარმოდგენილი. ინფორმაციას განათლების, მეცნიერების, კულტურისა და სპორტის სამინისტრო ავრცელებს.
ღონისძიებას მიწვეულ სტუმრებთან ერთად განათლების, მეცნიერების, კულტურისა და სპორტის მინისტრის პირველი მოადგილე მიხეილ გიორგაძე, საქართველოს ეროვნული მუზეუმის დირექტორი დავით ლორთქიფანიძე და ვინსენტ ვან გოგის ფონდის სამხატვრო ხელმძღვანელი ბიჩე ქურიგა ესწრებოდნენ.
დამთვალიერებელი კოლექციიდან ისეთ შედევრებს იხილავს, როგორებიც „არსენალის მთა ღამით“, „ჟირაფი“ ,„რთველი“ და „გოგონა ბუშტით“ არის.
ეს პირველი შემთხვევაა, როდესაც საფრანგეთში ნიკო ფიროსმანის და ვინსენტ ვან გოგის ნამუშევრები ერთ სივრცეშია წარმოდგენილი.
ექსპოზიციის ხილვას დამთვალიერებელი 1 ივნისის ჩათვლით შეძლებს.