მართლწესრიგის ოფიცრები ბრიტანულ-ქართულ აკადემიაში მოსწავლეებსა და პედაგოგებს შეხვდნენ.
შინაგან საქმეთა სამინისტროს ცნობით, შეხვედრა გლობალური პერსპექტივის საგნის ფარგლებში, აკადემიის ინიციატივით განხორციელდა. მათივე ინფორმაციით, მართლწესრიგის ოფიცრებმა მოსწავლეებს თავიანთი ფუნქცია-მოვალეობები და საზოგადოებაზე ორიენტირებული საპოლიციო საქმიანობის მოდელი გააცნეს.
მოზარდებმა მართლწესრიგის ოფიცრებს კონფლიქტის განვითარების ეტაპებისა და მათი გადაჭრის გზების შესახებ კითხვები დაუსვეს და მათთან ერთად იმსჯელეს. მართლწესრიგის ოფიცრები მოსწავლეებს, ასევე, ესაუბრნენ მართლწესრიგის, უსაფრთხოებისა და დანაშაულის პრევენციის შესახებ.
კომენტარები