შინაგან საქმეთა სამინისტროს საპატრულო პოლიციის დეპარტამენტი რამდენიმე ქუჩის გადაკეტვასთან დაკავშირებით სპეციალურ განცხადებას ავრცელებს.
უწყების ინფორმაციით, თბილისში, დღეს, სასტუმრო The Biltmore Hotel Tbilisi-ის გახსნის ღონისძიებასთან დაკავშირებით საზოგადოებრივი წესრიგისა და უსაფრთხოების დაცვის მიზნით, 14:00 საათიდან თაბუკაშვილის ქუჩის ერთი მონაკვეთი – ლაღიძის ქუჩიდან ელბაქიძის დაღმართის მიმართულებით – ორმხრივად დაიკეტება.
ამავე ინფორმაციის თანახმად, 18:00 საათიდან რუსთაველის გამზირი დაიკეტება ერთი მიმართულებით – თავისუფლების მოედნიდან ვარდების მოედნისკენ. ასევე, სრულად დაიკეტება ვარდების მოედანი.
თავისუფლების მოედნიდან რუსთაველის გამზირისკენ მოძრავი ავტომანქანები იმოძრავებენ პუშკინის ქუჩის გავლით სასურველი მიმართულებით.
კომენტარები