„იმედია, ხმამაღალ ნათქვამად არ ჩამითვლის ვინმე… ალექსანდრე გვარიშვილი არის ჭეშმარიტი ქართველი პატრიოტი, რომელიც, დიახ, სწორედ გიგა კობალაძისა და მისნაირებისგან განსხვავებით, ერთ-ერთი პირველი, ჩემთან ერთად ებრძოდა ოკუპანტებს!“– აცხადებს ჩვენთან საუბარში გენერალ-ლეიტენანტი დევი ჭანკოტაძე.
„ალექსანდრე გვარიშვილი არის ჩემი მეგობარი! გარდა ამისა, არის ჩემი თანამებრძოლი! დიახ, როცა საქართველოს ყველაზე მეტად უჭირდა აფხაზეთის ომში და როცა „ქუდზე კაცი“ იყო გამოსული სამშობლოს დასაცავად, მაშინ ამ 17 წლის ბიჭმა აიღო იარაღი ხელში და ბოლომდე იბრძოდა ჩვენს გვერდით!
ერთიცაა: მე საერთოდ არ ვაპირებდი ამ თემაზე საუბარს, მაგრამ იმ ცილისწამებების ნიაღვარმა, რაც ალექსანდრე გვარიშვილის მისამართით გაიჟღერა ბოლო დროს სოციალურ მედიასა თუ რამდენიმე სააგენტოზე, გადამაწყვეტინა საჯაროდ დამეფიქსირებინა ჩემი პოზიცია.
იმედია, ხმამაღალ ნათქვამად არ ჩამითვლის ვინმე… ალექსანდრე გვარიშვილი არის ჭეშმარიტი ქართველი პატრიოტი, რომელიც, დიახ, სწორედ გიგა კობალაძისა და მისნაირებისგან განსხვავებით, ერთ-ერთი პირველი, ჩემთან ერთად ებრძოდა ოკუპანტებს! და ებრძოდა სწორედ მაშინ, როცა საქართველოს ყველზე მეტად უჭირდა!
მერე ალექსანდრემ სამხედრო კარიერა გააგრძელა. ინგლისში მიიღო სამხედრო განათლება და ამჟამად არის რეზერვის მაღალი ჩინის ოფიცერი და ეს ნაძირლები თუ ასეთ ადამიანს ეძახიან ოკუპანტს, მაშინ მეც ოკუპანტი გამოვდივარ! მაშინ ის ათიათასობით მებრძოლი ვეტერანიც ოკუპანტი ყოფილა!
გრცხვენოდეთ! და რცხვენოდეს გიგა კობალაძეს!
და კიდევ ერთი, რაც მინდა ხაზგასმით აღვნიშნო: მიუხედავად იმისა, რომ მე და ალექსანდრეს გვაქვს სხვადასხვა პოლიტიკური შეხედულებები, ეს სულაც არ მიშლის ხელს სიმართლის თქმაში!
ჩვენმა მთავრობამაც ერთნაირად უნდა სცეს პატივი და უნდა დააფასოს როგორც საკუთარი მხარდამჭერი, ისევე ოპოზიციურად განწყობილი მებრძოლები! რაც, სამწუხაროდ, არ ჩანს და იმედია, რომ გამოსწორდება…“ – განაცხადა ჭანკოტაძემ.