“ისე როგორია ქალბატონო მაია, როცა სიტყვისა და აზრის თავისუფლების გამოხატვის საშუალებას გართმევენ? წერეთ აწი გამწარებული პოსტები”

მსახიობი თემურ გვალია ტელეკომპანია იმედიდან პროდიუსერ მაია სტეფნაძის გათავისუფლებას სოციალურ ქსელში ეხმიანება:

“თქვენ და­არ­ღვი­ეთ ჩემი მთა­ვა­რი უფ­ლე­ბა-სი­ტყვი­სა და აზ­რის გა­მო­ხატ­ვის თა­ვი­სუფ­ლე­ბა”!
(აღშფოთებულია ყოფილი ტელე-პროდიუსერი: მაია სტეფნაძე.)

“არასოდეს გამხარებია და არც გამიხარდება არავის ცუდი, მაგრამ ამას წერს TV-“იმედის” ერთ-ერთი გადაცემის აწ ყოფილი პროდიუსერი მაია სტეფნაძე, რომელმაც თავისი გადაცემიდან მთლიანად ამოჭრა ჩემი სიტყვები და ისე დაამონტაჟა, თითქოს სტუდიაში მსმენელად ვიყავი მიწვეული. ასევე მოექცა პოეტ დათო გაბისკირიას, რომელსაც თვითონ სთხოვა თავისი ლექსი წაეკითხა და რომელიც ისევე გააქრო გადაცემიდან, როგორც ჩემი “თავისუფალი აზრი”.

სინამდვილეში კი, ერთი კვირით ადრე გადიოდა ანონსი სადაც სტუმრებში აცხადებდნენ ჩემს გვარს და სახელს. თანაც “ანონსში” ჩანდა როგორ ვკამათობ ერთ ქალბატონთან, რომელსაც თურმე ტყუილად მიაყენეს ვიღაცა ტიპებმა შეურაცხყოფა.

რომ არ დავეთანხმე და სხვა აზრი გამოვთქვი, გააჩერა გადაცემის ჩაწერა, შემოვიდა სტუდიაში და გვისაყვედურა თუ რატომ ვესხმოდით თურმე თავს, ამ ვითომ და საბრალო გოგონას. არადა, უბრალოდ ძალიან კულტურულად არ ვეთანხმებოდი მის დადგმულ უნიჭო “სპექტაკლს”.

სინამდვილეში არანაირი დამამტკიცებელი საბუთი არ ჰქონდათ, გარდა ამ გოგოს მიერ გადაღებული ვიდეოს ნაგლეჯისა, სადაც ეს ბიჭები აგინებდნენ. და მანამდე
რა მოხდა და რატომ აგინებდნენ, არ ჩანდა.  მოკლედ 4 საათი სტუდიაში ჩაწერაზე ვიყავით, ვიკამათეთ, ჩვენი აზრი დავაფიქსირეთ, მაგრამ მონტაჟის მეშვეობით ამომჭრა და სიტყვა არ მათქმევინა ეთერიდან. რატომ? არც იკადრა და არ დამეკონტაქტა, რომ აეხსნა რატომ! სინამდვილეში კი იმიტომ, რომ დაკვეთის შეასრულებაში ხელს ვუშლიდი ჩემი პოზიციიდან გამომდინარე.. არაუშავს, “რუსთავი-2” მოგიტაცებს თვალის დახამხამებაში. უმუშევარი არ დარჩები.